SKÓLAHEILSUGÆSLA

 

Markmið heilsuverndar skólabarna er að efla heilbrigði nemenda og stuðla að vellíðan þeirra.  Starfsemi hennar er samkvæmt lögum, reglugerðum og tilmælum Landlæknis.  

 

Í henni felast skimanir, viðtöl um lífsstíl og líðan, bólusetningar og heilbrigðisfræðsla, ásamt ráðgjöf til nemenda, fjölskyldna þeirra og starfsfólks skólans. http://www.6h.is/index.php?option=content&task=view&id=393&Itemid=427

 

 

 

Skólaskoðun heilsugæslunnar


Skoðanir og bólusetningar nemenda:

1. bekkur            Hæð, þyngd, sjón

4. bekkur            Hæð, þyngd, sjón

7. bekkur            Hæð, þyngd, sjón og  bólusetning

9. bekkur            Hæð, þyngd, sjón og bólusetning

 

Ef líkur eru á að barnið sé ekki að fullu bólusett þá eru foreldrar hvattir til að hafa samband við skólaheilsugæsluna. Bólusetningar barna eru alltaf á ábyrgð foreldra. Afþakki foreldrar bólusetningar fyrir börn sín þurfa þeir að tilkynna það skriflega til skólaheilsugælsunnar og slíkt ber að skrá í heilsufarsskrá barns.

 

Heilbrigðisfræðsla

Skipulögð heilbrigðisfræðsla er framkvæmd í öllum árgöngum og er áherslan að hvetja til heilbrigðra lífshátta.  Byggt er á hugmyndafræðinni um 6-H heilsunnar sem er samstarfsverkefni heilsuverndar skólabarna og Lýðheilsustöðvar. Áherslur fræðslunnar eru Hollusta – Hvíld – Hreyfing – Hreinlæti – Hamingja - Hugrekki og kynheilbrigði. Eftir fræðslu fær barnið fréttabréf með sér heim. Þá gefst foreldrum kostur á að ræða við börnin um það sem þau lærðu og hvernig þau geti nýtt sér það í daglegu lífi.

 

Starfsfólk Heilbrigðisstofnunar Vesturlands, Grundarfirði sér um skólahjúkrun. Skólahjúkrunarfræðingur er Heiða María Elfarsdóttir, sími: 432-1350.

 

VIÐBURÐIR

© 2014 Grunnskóli Grundarfjaðar

 

350 GRUNDARFJÖRÐUR

GRUNNSKÓLINN GRUNDARFJARÐAR

Borgarbraut 19

Sími - 430 8550

Netfang - grunnskoli(hja)gfb.is


 

TÓNLISTARSKÓLINN - 430 8560

ÍÞRÓTTAHÚS - 430 8564