Dagur íslenskrar tungu

Dagur íslenskrar tungu er haldinn hátíðlegur á fæðingardegi Jónasar Hallgrímssonar, 16. nóvember. Auk þess að vera eitt af ástsælustu skáldum þjóðarinnar var hann mikilvirkur nýyrðasmiður og eigum við honum að þakka fjölbreytt orð á borð við rafmagn, mörgæs og stuttbuxur.   
Í tilefni dagsins eru unnin fjölbreytt verkefni í skólanum sem minna okkur á mikilvægi íslenskunnar og þess að rækta hana.  
Nemendur í unglingadeild fengu t.a.m. það verkefni að raða saman orðhlutum og búa til nýyrði að hætti Jónasar.  
Meðal nýyrða dagsins sem munu vonandi skreyta orðaforða okkar eru: 
 
Misvegsamur = Einhver sem villist auðveldlega. 
Brjóstsamur = Klaufi 
Vanlesingi = Einhver sem gleymdi að lesa heima. 
Oflesa = Að lesa of mikið. 
Dugráð = Ráð sem dugar. 
Hafleg = Eitthvað sem væri gott að eiga. 

Fleiri myndir inni á myndasíðu merkt Dagur íslenskrar tungu.