Frábær ævintýri hjá 7. bekk á Snæfellsnesi

Nemendur í 7. bekk áttu dásamlega og viðburðaríka daga á dögunum þegar þeir héldu í skemmtilegar ferðir til að kanna náttúru landsins. Föstudaginn 22. maí hófst ævintýrið með glæsilegri fjallgöngu. Hópurinn gekk upp á Gráborg og léku veðurguðirnir svo sannarlega við krakkana, því gangan fór fram í dásamlegri sól og blíðu. Nemendur sýndu mikinn dugnað og samstöðu á leiðinni upp og var útsýnið af toppnum hreinlega stórkostlegt. Það var því rjóður og ánægður hópur sem sneri aftur heim eftir góðan dag á fjallinu.

Síðan miðvikudaginn 27. Maí var ferðinni næst heitið í spennandi skólaferðalag um hið fallega Snæfellsnes. Hópurinn ferðaðist saman í rútu og var stemningin í bílnum frábær frá fyrstu stundu. Fyrsti viðkomustaður dagsins var þjóðgarðsmiðstöðin á Hellisandi. Þar fengu nemendur mjög áhugaverða og gagnlega fræðslu um svæðið, sem dýpkaði skilning þeirra á náttúrunni. Því næst hélt hópurinn að Saxhól, þar sem allir lögðu land undir fót og gengu samstilltir upp á gíginn. Það var mikil upplifun að standa á brúninni og horfa yfir úthafið og hraunbreiðurnar.

Leiðin lá því næst á Malarrif, þar sem önnur þjóðgarðsmiðstöð var skoðuð gaumgæfilega. Nemendur gengu þar um svæðið, skoðuðu vitann og undraverðar bjargamyndanir í fjörunni, sem vakti mikla kátínu og forvitni hjá hópnum. Þessi fræðandi og skemmtilegi dagur endaði svo á Hellnum. Þar hófst síðasti áfanginn, en það var einstaklega falleg ganga með fram björgunum yfir á Arnarstapa. Á þeirri gönguleið nutu krakkarnir náttúrunnar í botn og fylgdust spenntir með iðandi fuglalífi í klettunum.

Þessar ferðir voru frábær blanda af hreyfingu, fræðslu og skemmtilegum félagsskap. Nemendur 7. bekkjar voru skólanum til mikils sóma á öllum áfangastöðum og sýndu bæði forvitni og framúrskarandi samvinnu. Slíkar ferðir styrktu vináttuböndin og bjuggu til dýrmætar minningar sem fylgdu hópnum heim. 
Fleiri myndir inni á myndasíðu.

 

Kv. Rósa