Vordagar

Veðrið hefur leikið við okkur þessa vordaga og höfum við nýtt okkur það til útikennslu og ferðalaga. Til dæmis hjólaði þriðji bekkur út að Kirkjufellsfossi og eyddi deginum þar og annar bekkur fór í kringum Kirkjufellið í gær. Á myndasíðunni eru nokkrar myndir úr skólastarfinu og munu fleiri bætast við fljótlega.
Góð þátttaka var í verkefninu ,,Göngum í skólann" sem nemendur í 6. og 7. bekk skipulögðu og verða sigurvegarar krýndir á föstudagnn. Nokkuð verður um uppbrot í næstu viku, farið verður í vorferðir og á mánudaginn ætlum við að týna rusl í nágrenni skólans ef veður leyfir. Á fimmtudaginn ætlar unglingastigið að halda lokahátíð og stöðvavinna/UNICEF leikarnir verða á föstudag.
Á morgun, fimmtudag er svo uppstigningardagur og því enginn skóli.